ಉಡ್ಡೀಶ ತಂತ್ರ / Uddisha tantra

ಸ್ವಾಮಿ ಶ್ರೀಧರಾನಂದ

ಉದ್ದೇಶ ತಂತ್ರವು ಸ್ವತಃ ರಾವಣನು ಶಿವನ ವಾಣಿಯಿಂದ ಕೇಳಿದ್ದನ್ನೇ ವಿವರಿಸುವ ಕೃತಿ. ಅವನು ಅಖಂಡ, ಪಂಡಿತ, ಅಭೇದ್ಯ ಜ್ಞಾನಿ, ಶಾಸ್ತ್ರಜ್ಞ, ತಂತ್ರಜ್ಞ, ಶಿವ-ಪಾರ್ವತಿಯರ ಪರಮ ಭಕ್ತ.

ಶಿವ-ಶಕ್ತಿಯರ ಸಮ್ಮುಖದಲ್ಲಿ ತಂತ್ರಜ್ಞಾನ ಮತ್ತು ಅರ್ಕಜ್ಞಾನ (ವನಸ್ಪತಿ ಶಾಸ್ತ್ರ)ವನ್ನು ಪಡೆದನೆಂದು ಪ್ರಾಚೀನ ಗ್ರಂಥಗಳಲ್ಲಿ ಓದಬಹುದು. ಅವನಂತಹ ಶೂರ-ವೀರ ತ್ರೇತಾಯುಗದಲ್ಲಿದ್ದಿಲ್ಲ. ಆಗ ಪ್ರಚಲಿತವಾಗಿದ್ದ ಸಂಸ್ಕೃತ ಭಾಷೆಯಲ್ಲಿ ಯಂತ್ರ-ಮಂತ್ರ-ತಂತ್ರ ಜ್ಞಾನಗಳ ಜೊತೆಗೆ ಆಯುರಾರೋಗ್ಯದ ಮತ್ತು ಗ್ರಹ ನಕ್ಷತ್ರಗಳ ಪ್ರಭಾವದಲ್ಲಿರುವ ಜೀವನಚಕ್ರದ ಸಂಪೂರ್ಣ ವಿವರವನ್ನು ಬಹಳ ಸರಳವಾಗಿ ವಿವರಿಸಿದ. ಉಡ್ಡಿಶ ತಂತ್ರವನ್ನು ರಾಮೋಡೀಶ ತಂತ್ರವೆಂದೂ, ಕ್ರಿಯೋಡೀಶ ತಂತ್ರವೆಂದೂ ಕರೆಯುವ ವಾಡಿಕೆಯುಂಟು.

ಶಿವ-ಪಾರ್ವತಿಯರ ಮುಖಾರವಿಂದದಿಂದ ಪ್ರಕಟವಾದ ಉಡ್ಡಿಶತಂತ್ರದ ಸಂಪೂರ್ಣ ಜ್ಞಾನವು ಸಕಲರಿಗೂ ದೊರೆಯಲೆಂಬ ಮಹಾಕಾಂಕ್ಷೆಯಿಂದ ಜ್ಞಾನ ಗಂಗೆಯಾಗಿರುವ ತಂತ್ರವನ್ನು ಹಲವು ಅಧ್ಯಾಯಗಳ ಮೂಲಕ ವಿವರಿಸುವ ಪ್ರಯತ್ನವನ್ನು ಮಾಡಲಾಗಿದ್ದು ಪ್ರತಿಯೊಂದು ಅಧ್ಯಾಯವೂ ತನ್ನದೇ ಆದ ವಿಶೇಷತೆಯ ಗೂಢ ಜ್ಞಾನವನ್ನು ಪ್ರಕಟಿಸುತ್ತದೆ.